Kutsiva Vharuvhu Yepamusoro Yepombi YeBush

Ona kuti pombi inoshanda zvakanaka sei nekupomba kwemakumi mana.

Bvisa mapini maviri akabatanidza mubato nechinofambisa mubato.

Dhonza mibato miviri kubva kune chinofambisa mubato.

Simudza mapini maviri akabatanidza pombi kumusoro nemubato, kubva papombi.

Buritsa chimutanda chejoinhi kubva muchimusoro.

Bvisa musoro nemubato wozviisa panzvimbo yakachena kuti zvisabate utachiona

Simudza mubato mukuru unosimudza pombi zvine simba nemaoko maviri.

Shandisa chipanera chepombi kusunungura pombi inotakura mvura yepamusoro.

Simudza mubato unosimudza pombi nepombi refu.

Tenderedza simbi inobata chimutanda chepombi pachimutanda, uye chisunge zvine simba pachimutanda chepombi.

Dzikisa pombi refu nemubato unosimudza pombi kuti ugare pane chinobatisa pombi zvakanaka.

Sunungura ubvise bhaudhi rinobata chimutanda chepombi nebhaudhi rechimutanda chepombi pamusoro pemutanda unosimudza pombi.

Bvisa mubato mukuru unosimudza pombi, uye ongorora kuti haina kubvaruka kana kuchembera here.

Isa mubato unosimudza pombi panzvimbo yakachena kuitira kuti usabate utachiona.

Bvisa pombi inotakura mvura yepamusoro.

Sungirira mubato wakaita saT pamutanda wepombi.

Shandisa chipanera chepombi kusunungura nekubvisa muromo wepombi.

Isa muromo panzvimbo yakachena kuti usabate utachiona.

Isa chipanera pamusoro perimwe remabhaudhi emubato unosimudza pombi.

Tenderedza chimwe chipanera pazasi pebhaudhi.

Patsanura zvipanera kuti usunungure bhaudhi.

Bvisa manatsi mana nemabhaudhi akabata mubato unosimudza pombi, uye uzvichengete muchinhu chisina utachiona chakaita semugoro.

Tenderedza chivharo chepombi kusvika pamadhigiri makumi mana nemashanu. Izvi zvinokugonesa kuti ubate zvakanaka chivharo paunochisimudza.

Nyatsosimudza zvakanaka mubato wakaita saT kwemainjisi akawanda.

Vamwe vanhu vaviri vakatsigira mubato wakaita saT, bvisa simbi inobatiswa nayo mubato wepombi.

Dzikisa mubato wakaita saT zvinyoronyoro kusvikira mubato wepombi wave kumira wega.

Nyatsosunga zvakanaka chinosimudzira pombi yemvura kumubato mukuru pasi pemuromo.

Wakachenjerera kuti tambo isatsvedze, shandisa zvinodhonza mubato netambo kusimudza pombi refu kusvikira zvinosimudza pombi zvasvika pane zvinodhonza netambo.

Kana pombi refu yasvika pane zvinodhonza netambo, sunga simbi inosunga nechepasi papombi refu

Batisa simbi inosungiswa pasi kumubato uchishandisa bhaudhi.

Wakatsigira pamusoro pepombi, nyatsofambisa chinosunga chinosimudza kubva papombi.

Dzikisa chinosunga chinosimudza pombi uchidzvanya nechepasi kuti tambo dzisasungane pane zvinodhonza.

Isa nekusunga chinosunga chekusimudzisa kumubato unosimudza pombi kusvika pasi pasi.

Kana chinosunga chekusimudzisa chanyatsosunga, sunga tambo zvine simba.

Wakadhonza tambo kutsigira mubato unosimudza pombi, sunungura chinosunga chepasi.

Shandisa tambo kudhonza nekusimudza mubato unosimudza pombi kusvika panokwanisika.

Bvisa simbi inosungiswa kubva papombi refu, wodzokorora matanho kubva pamakumi maviri netatu kusvika makumi maviri neshanu kusvikira joinhi yekutanga yave kuoneka.

Kana joinhi yekutanga yave kuoneka, sungisa simbi inosungiswa pasi pazasi pejoinhi.

Bvisa simbi inosungiswa chokusimudzisa kubva pamubato mukuru, wonyatsobatanidza kutiraipodhi kuti isuduruke.

Uchishandisa chipanera, sunungura chidimbu chekutanga chepombi refu kubva pachakabata.

Nyatsovhara pajoinhi kuti mvura isapfachuke kubva nepanobatana simbi kana dzapatsanurwa.

Uchishandisa chipanera, sunungura pombi refu kusvikira mvura yatanga kupfachuka ichimwaya kupinda mune chinodzivisa mvura kupfachuka.

Bvisa chinovhara mvura kuti isapfachuke, wopedzisa kusunungura pombi refu.

Bvisa chidimbu chekutanga chepombi refu nekuchisimudza chakamira mudenga, wakachitsigira pamusoro pechidimbu chacho uye uchiramba wakachiisa mugomba rinochitsigira pamusoro petiraipodhi.

Kochekera nekusunga chekusungisa mutanda mainjisi mashoma pazasi pepanobatana mutanda wepombi wekutanga.

Uchishandisa chipanera chinokwana pakawanda, sunungura mutanda wepombi kubva pachikamu chasara.

Kana joinhi raganurwa, nyatsodzikisa pombi refu pasi.

Nyatsodzikisa pombi refu, yakatambarara, woiisa panzvimbo isina hutachiona, kana zvichigona zvakagara panzvimbo yakakwirira kudzivirira kubata hutachiona.

Bvisa mubato wakaita saT kubva mutanda wepombi waganurwa.

Kochekera mubato wakaita saT kumutanda wepombi wasara.

Uchishandisa zvipanera zviviri zvepombi, sunungura humburumbira kubva papombi refu.

Donza humburumbira yacho zvinyoronyoro kubva pamutanda wepombi, uchiisa pachena vharuvhu yekumusoro nevharuvhu yepasi pemugodhi wemvura.

Uchishandisa zvipanera zviviri zvepombi, sunungura chivharo kubva pahumburumbira.

Uchishandisa chimwe chipanera kuti zvireruke, sunungura vharuvhu kubva pamutanda wepombi.

Bvisa vharuvhu yepasi kubva pane chivharo.

Ongorora nhengo dzevharuvhu yepasi kuti hadzina kusakara here.

Bvisa chekuvharisa kubva pavharuvhu kuti uongorore kusakara.