Dv teileſt vngeliche

Dv teileſt vngeliche·
lieb̾ h̾re got din gv̊t·
du giſt einē dc wol viere moͤhtē han·
genv̊g vn̄ wol mit erē moͤhtē ſetzē vf gewin·
manig der iſt riche·
vn̄ hat grôſſen vb̾ mv̊t·
lieb̾ vatt̾ ih̓s iſt dc gv̊t getan·
ald weiſt dv lieb̾ h̾re got dc ich ſo notig bin ·
dc dv mir niht giſt als einē vngemêſſē mā·
nv bin ich doch gar gemêſſe·
h̾re wc han ich getan·
vn̄ ich doch vil lihte din gedenke me·
nein wc ob ich din v̾gêſſe·
herre got dv teile als ê·
dv biſt d̾ da teilen vn̄ wellē ſol·
ich wil niem̾ me geſtrafen dich wā dv tůſt wol·