Dye Grundtlichen Vnd rechten haupt Artickel aller Baurschafft

Es seyn viel wider christen / die yetzund von wegen Die wider Christen. der versammleten Baurschafft / das Euangelion zu^o schmehen vrsach nemen / sagent / das seyn die frücht / des newen Euangelions? Nyemant gehorsam seyn / an allen Des neuen Euangeli frücht. ortten sich empor heben vnd auff po^emen / mit grossem gewalt zu^ohauff lauffen vnd sich rotten / Gaistlich vnnd weltliche oberkaiten zu^o reformieren / außzu^oreytten / Ja villeücht gar zu^o erschlagen? Allen disen Gotlosen freuenlichen vrtailern / Antwurten diese nachgeschribne Artickel / Am ersten das sye dise schmach / des wort gotes auffheben Antwurt. 8 artickel. / Zu^om andern die vngehorsamikait / Ja die Empo^erung aller Bauren Christenlich endtschuldigen / Zu^om Entschuldigung der Artickell. ersten / ist das Euangelion nit ain vrsach der Empo^erungen oder auffru^oren. Dye weyl es ain rede ist / von Christo dem verhaissne Messia / Welchs wort vnd leben / nichts Roma dann / liebe / Fride / Geduldt vnnd ainigkaiten lernet. Also dz alle die in disen Christum glauben / lieplich / Fridlich / Gedultig / vnd ainig werden / So dann der grund aller Artickel der Bawren (Wie dann klar gesehen wirt) Dz Euangelion zu^o ho^eren / vnd dem gemeß zu^o leben / dahin gericht ist / Wie mügen dann die widerchristen das Ewangelion ain vrsach der Embo^erung / vnd des vngehorsams nennen? Das aber ettlich widerchristen vnd feynd des Euangelij / Wider so^elliche anmu^ottung vnd begerung sich lonen vnd auffbo^emen / ist das Euangelion nit vrsach / Sonder der teüfel der schedlichst feynd des Ewangelij / der solches durch den vnglauben in den seynen erweckt / Hyemitte das / das / wort Gotes (liebe / fryd / vnd ainigkait lernent) vndergetruckt vnd wegkgenommen wurde. Zu^om andern dann klar lauter volget / das dye Bawren in jren Artickeln solches Euangelion zu^or leer vnd leben begerendt / nit mügen vngehorsam / Auffru^erisch / genennt werden / Ob aber Got die Pauren (nach seynem wort Roma. 11 zu^o leben a^engstlich ru^offent) erho^eren will / Wer will den Esaie. 40. willen gotes Tadlen? Wer will in sein gericht greyffen? Roma. 8 Ja wer will seiner mayestet wyderstreben. Hat er die kinder Exodi. 3 vnd .14. Israhel zu^o jm schreyendt / erho^eret / vnd auß der hand Pharaonis erlediget? Mag er nit noch heut die seynen Luce. 18. erretten? Ja er wirts erretten? Vnd in einer kürtz? Derhalben Christlicher leser / Solliche Nachuolgendt Arttickel lyse mit fleyß / Vnd nach mals vrtail.

Zum Ersten ist vnser diemu^ettig bytt vnd beger / auch vnser aller will vnd maynung / das wir nun fürohin gewalt vnd macht wo^ellen haben / ain gantze gemain sol ain Pfarer selbs Erwo^elen vnd kyesen. Auch gewalt haben 1 Thim. 3 den selbigen wider zu^oentsetzen / wann er sich vngepürlich Titon. 1 hieldt / Der selbig erwo^elt Pfarrer soll vns das hailig Euangeli Actuum. 14 lauter vnd klar predigen one allen menschlichen zu^osatz / leer und gebot / dann vns den waren glauben stetz verkündigen / Deutro. 17 geyt vns ein vrsach got vnd sein gnad zu^o bitten / Exodi. 31. vnns den selbygen waren glawben einbylden vnd Deutro. 10 in vns bestetten / Dann wann seyn genad in vnß nit eingepyldet wirdt / so bleyben wir stetz fleysch vnd blu^ot / das Johann. 6 dann nichts nutz ist / wie kla^erlich in der geschrifft stat das Gallata. 3 wir allain durch den waren glauben zu^o got kommen kinden / vnd allain durch seyn barmhertzigkait sa^elig mu^essen werden / Darumb ist vns ain so^ellicher vorgeer vnd Pfarer von no^etten vnd in diser gestalt in der geschrifft gegrindt.

Zu^om andern nach dem der recht Zehat auff gesetzt ist Wie dann die ganntz Epistel z^o den Hebr. saget. im alten Testament vnd im Neuen als erfüldt / nichts destminder wo^ellen wir den rechten korn zehat gern geben / Doch wie sich gebürt / dem nach man sol in Got geben / vnd den seynen mitaylen / gebürt es ainem Pfarrer so klar Psal. 109 das wort gots verkindt / Seyen wir des willen hinfüro disen zehat / vnser kirch Bro^epst so dann ein gemain setzt/ Genesi. 14 De. 1, 8, 12 Sollen einsemmlen vnd eynnemen / daruon ainem Pfarrer so von ainer gantzen gemain erwo^elt wirt / seyn zymlich gnu^ogsam auffenthalt geben / jm vnd den seynen / nach Deutro. 25 erkantnus ainer gantzen gmain / vnnd was über bleybt 1. Thim. 5 sol man (armen dürfftigen / so im selben dorff verhanden Math. 10 seynd) mittailen / nach gestalt der sach vnd erkantnus ainer 1. Chor. 9 gemain / was über bleybt soll man behaltten / ob man Raysen mu^eßt von landsnot wegen / Darmit man kain landts steüer dürff auff den armen anlegen / Sol manß von disem überschuß außrichten / Auch ob sach were daz Ein christliche erpiettung ains oder mer do^erffer weren / die den zehenden selbs verkaufft hettent auß ettlicher not halben / dieselbigen so darumb zu^o zaigen / in der gestalt haben von aynem gantzen dorff der sol es nit entgelten / Sonder wir wellen vns zymmlicher Luce.. 6 weyß nach gestalt vnd sach mit im vergleychen / jm Math. 5 sollichs wider mit zymlicher zyl und zeyt ablassen. Aber Man sol nie emant nichs nemen. wer von kainem dorff sollichs Erkaufft hat vnd jre forfaren jnen selbs solchs zu^ogeaygent haben / wo^ellen vnd solen vnd seynd jnen nichts weyters schuldig zu^ogeben / alain wie obstat vnsern Erwo^elten Pfarrer darmit zu underhalten / Nach malen ablesen / oder den dürfftigen mittailen / wie die hailig geschryfft innho^elt / Sy seyen gaistlich / oder welttlich den klaynen zehat wo^ellen wir gar nit geben / Dann Got der herr dz vich frey dem menschen beschaffen / Genesis. 1 das wir für ain vnzymlichen zehat schetzen / den die menschen erdicht haben / Darumb wo^ellen wir jn nit weytter geben.

Esaie. 53. Zu^om dritten / Ist der brauch byßher gewesen / das man 1. Petri. 1. vns für jr aigen leüt gehalten haben / wo^elch zu^o erbarmen 1. Chor. 7. ist / angesehen das vns Christus all mitt seynem kostparlichen plu^ot vergu^essen / erlo^eßt vnnd erkaufft hat / Den Hyrtten gleych alls wol alls Den ho^echsten / kain auß genommen / Roma.13.
Sapien.6. Darumb erfindt sich mit der geschryfft das wir frey seyen vnd wo^ellen sein / Nit dz wir gar frey woellen 1. Petri.2. seyn / kain oberkait haben wellen / Lernet vnß Gott nit / wir sollen in gepotten leben nit yn freyem fleyschlichen Deut.6 mu^otwilen. Sonder got lieben jn als vnserrn Herren. Mathei.4 jn vnsern nechsten erkennen / vnnd alles das so wyr auch Luce.4. Luce.6. gern hetten / das vnns Got am nachtmal gepotten hat Math.5 zu^o ainer letz / darumb sollen wir nach seinem gepot lebenJohan.13 zaigt vnd weißt vns diß gepot nit an das wir der oberkkait nit korsam seyen / nit allain der oberkait / sunder wir sollen vns gegen jederman diemu^etigen / das wir auch geren Roma.13 gegen vnser erwelten vnd gesetzten oberkayt (so vns von Got gesetzt) jn allen zimlichen vnd Christlichen sachen Actuum.5 geren gehorsam sein / seyen auch onzweyfel jr wedendt Ain Cristliche erbietung. vnß der aigenschafft als war vnnd recht Christen geren endtlassen oder vns im Evangeli des berichten dz wirß seyen.

Zum vierten ist biß her jm brauch gewesen / dz kayn armer man nit gewalt gehabt hatt / das willpret gefigel oder fisch jn fliessenden wasser nit zu^o fachen zu^o gelassen werden / welchs vns gantz vnzymlich vnd vnbru^ederlich dunckt / sunder aigennützig vnd dem wort Gotz nit gemeß sein / Auch in etlichen ortern die oberkait vns dz gewild zu^o trutz vnd mechtigem schaden haben / wil vns dz vnser (so Got dem menschen zu^o nutz wachsen hat lassen) die vnuernüfftigen Gene.1 thyer zu^o vnutz verfretzen mu^otwiligklich (leyden mu^essen) Actuum.10 dar zu^o stillschweigen das wider Gott vnd dem nechsten 1 Timo 4 1 Cor.10. ist / Wann als Gott der herr den menschen erschu^off / hat er Coloss.2 jm gewalt geben vber alle thier / vber den fogel im lufft Ain christliche erbietung. vnd vber den fisch jm wasser. Darumb ist vnser begeren wann ainer wasser hette dz ers mit gnu^ogsamer schriff beweysen mag das man das wasser vnwyssenlych also erkaufftEin christliche erbietung hette / begeren wir jms nit mit gewalt zu^o nemen Sunder man mu^est ain Christlich eynsechen darynnen haben vonwegen bru^oderlicher lieb / aber wer nit gnu^ogsam anzaigen darumb kan thon / solß ainer gemayn zymlicher weyß mittailen.

Zum fünfften seyen wir auch beschwert der beholtzung halb / Dann vnsere herschafften habend jnenn die ho^eltzer alle allain geaignet / vnn wann der arm man was bedarff mu^oß ers vmb zway geldt kauffen / ist vnnser maynung was für ho^eltzer seyen / Es habens geistlich oder weltlichWie oben im ersten cap. des.1 bu^och Mosi anzaigt ist. jnnen die es nit erkaufft haben / sollen ayner gantzen gemain wider anheim fallen / vnd ainer gemayn zimlicher weiß frey sein aim yetlichen sein noturfft jnß hauß zu^o brenen vmb sunst lassen nemen / auch wann von no^eten sein wurde zu^o zymmern auch vm sunst nemen / doch mit wissen der so vonHerauß nitt außrayttung des holtz geschehen wirt; angesehen die verordnet der gemain darzu^o erwelt werden. So aber kains vorhanden wer / dann das so redlich erkaufft ist wordenn / Sol man sich mit den selbigen briederlich vnd Christelich vergleichen / Wann aber das gu^ot am anfang auß jnen selbs geaygnet wer worden vnd nachmals verkaufft worden / Sol man sich vergleichen nach gestalt der sach vnd erkantnuß briederlicher lieb vnd heiliger geschrifft.Ain christliche erbietung.

Zu^om sechsten ist vnser hart beschwerung der dyenst halben wo^elche von tag zu^o tag gemert werden und teglich zu^o nemen / begeren wir das man ain zimlich ein sechen darein thu^e / vnß der massen nit so hart beschweren / SonderRoma.10 vns gnedig hier jnnen ansechen wie vnser Eltern gedient haben allain nach laut des wort gots.

Zu^om sibenden dz wir hinfüro vns ain herschafft nit weyter wo^elle lassen beschweren / sonder wieß ain herschafft zymlicher weiß aim verleycht also sol erß besitzen laut der verainigung des herren vnd bauren / Der herr soll jn nit weiter zwyngen noch dryngen mer dyenst noch anders von jm vmbsunst begeren / Darmit der Baur solych gu^ott on beschwertLuce.3
Tessa.6. also rüeblich brauchen vnd niessen müg / ob aber des herren dienst von no^etten weren / sol jm der baur willig vnd gehorsam für ander sein / doch zu^e stund vnd zeyt / das dem bauren nit zu^o nachtail dyen / vnnd jme vmb aynen zymlichen pffenning denn thu^on.

Zu^om achten sey wir beschwert / vnd der vil. so gu^eter jnnen haben / das die selbigen gu^eter die gült nit ertragen kinden vnd die Bauren das jr darauff einbiessen vnd verderben. das die herschafft die selbigen gu^eter / Erberleüe besichtigen lassen / vnd nach der billikayt ain gylt erscho^epff / damit der baur sein arbait nit vmb sunst thye / dann ain yetlicherMath.10 tagwercker ist seyns lons wirdig.

Zu^om neunten seyen wyr beschwertt der grossen frefel / so Esaie.10
Epheß.6 man stetz new satzung macht / nit dz man vnß strafft nach gestalt der sach / sunder zu^o zeyten auß grossem neyd / vnd zu^o zeytten auß grossem gunst / Ist vnser maynung / vnsLuce.3
Ihere.26 bey alter geschribner straff straffen / darnach die sach gehandelt ist / vnd nit nach gunst.

Zu^om zehenden sey wir beschwert / das etlich haben jnenWye oben Luce.6 zu^ogeaignet / wisen der gleichen ecker / die dann ainer gemain zu^e geherendt / Die selbigen werden wir wider zu^e vnsern gemainen handen nemen / Es sey dann sach das mans redlich erkaufft hab / wann mans aber vnbillycher weyßChristlich erbietung. erkaufft het / Sol man sich gu^etlich vnnd briederlich mit ainander vergleychen nach gestalt der sach.

Zu^om ailften wellen wir den brauch genant den todtfallDeutro.18 Math.8 Math.23 Elaie.10 gantz vnd gar abthu^on haben / Den nimmer leiden noch gestatten / das man witwen waisen das jr wider Got vnd eeren / also schentlich nemen berauben sol / wie es an vil ortten (menigerley gestalt) geschehen ist / vnd von den / so sy besitzen vnd beschirmen solten / hand sy vns geschunden vnnd geschaben / vnd wann sy wenig fu^og hettendt gehabt / hettendt diß gar genomen / dz Got nit mer leiden wyl / sunder sol gantz absein / kain mensch nichts hinfiro schuldig sein zu^o geben / weder wenig noch vyl.

Z^oum zwelften ist vnser beschluß vnd endtlyche maynung / wann ainer oder mer Artickel alßhie gesteldt (So demDie weyl alle artickel im wort Gotes begryffen seyen. wort Gotes nit gemeß) weren / als wir dann nit vermainen die selbigen artickel / wo man vns mit dem wort Gots für vnzimlich anzaigen / wolt wyr daruon abston / wann mans vns mit grundt der schrifft erklert. Ob man vns schon etlich artickel yez zu^o lyeß / vnd hernach sich befendtChristliche erbietung. das vnrecht weren / sollen sy von stund an todt vnd absein. nichts mer gelten / der gleichen ob sich in der schrifft mit der warhait mer artickel erfunden / die wider Gott vnd beschwernus des na^echsten weren / wo^ell wir vnns auch vorbehalten / vnnd beschlossen haben / vnnd vns in aller Christlicher leer yeben vnd brauchen / darumb wir Gott den herren bitten wo^ellen / der vns das selbig geben kan vnnd sunst nyemant / Der frid Christi sey mit vns allen.