Fröut iuch

Fröut iuch, junge und alte!
     der meie mit gewalte

den winder hât verdrungen,
     die bluomen sint entsprungen.

     ûf dem rîse
     ir süeze wîse
singet, wünneclîchen schal!

H: 8,20     „Walt nu schône loubet.
     mîn muoter niht geloubet.

der joch mit einem seile“,
     sô sprach ein maget geile,

     mit den kinden
     zuo der linden
ûf den anger ich doch muoz.“

Daz gehôrte ir muoter:
     „jâ swinge ich dir daz fuoter

mit stecken umbe den rugge,
     vil kleine grasemugge.

     ab dem neste?
     sitze und beste
mir den ermel wider in!“

„Muoter, mit dem stecken
     sol man die runzen recken

den alten als eim sumber.
     noch hiuwer sît ir tumber,

     ir sît tôt
     vil kleiner nôt,
ist iu der ermel abe gezart.“

Ûf spranc sî vil snelle.
     „der tievel ûz dir belle!

ich wil mich dîn verzîhen;
     dû wilt vil übel gedîhen.“

     swie iu troume.
     bî dem soume
durch den ermel gât daz loch.“