Gelúke dc get wunderlichen an vnde abe

Gelúke dc get wunderlichen an vnde abe·
wan vindet es vil lihter danne mans behabe·
es wenket da man es niht wol besorget·
swenne es besweren wil dem git es e der zit·
vnd nimt ǒch e der zit wider swas es gegit·
es tvmbet den swem es zevil geborget·
froͤide git den smerzen·
e dc wir ane swere sin des libes vnd des herzen·
wan vindet e das glesin glúke·
dc hat kranke^{[WS 1]} veste·
swanne es vns vnder dú ǒgen spilt vnd schinet aller beste·
so brichet es vil lihte in kleine stúke·^{[WS 2]}