Gelobet seystu Jesu Christ

Gelobet seystu Jesu Christ /
das du mensch geboren bist /
von eyner yungfraw das ist war /
des frewet sych der engel schar /

Des ewigen vaters eynig kind /
ytz man ynn der krippen fynd /
In vnser armes fleisch vnd blut /
verkleydet sych das ewig gut /

Den aller welt kreyß nye beschlos /
der ligt yn Maria schoß.
Er ist eyn kindlin worden klein /
der alle ding erhelt alleyn

Das ewig liecht gehet da herein /
gibt der welt ein newen scheyn.
Es leucht wol mitten yn der nacht /
vnd vns des liechtes kinder macht /

Der son des vatters Gott von ard /
eyn gast yn der welt ward.
Vnnd furt vns aus dem yamer tall /
er macht vns erben yn seym saal /

das er vnser sych erbarm.
Vnd ynn dem hymel machet reych /
vnd seynen lieben Engeln gleich.

Das hat er alles vns gethan /
seyn groß lieb zu zeygen an.
Des frew sych all Christenheyt /
vnd danck yhm des ynn ewigkeit /