Got sey gelobet

Got sey gelobet vnd gebenedeyet
der vns selber hat gespeyset.
Mit seynem fleische vnd mit seynem blute /
das gyb vns herr Gott zu gutte.

Herr durch deynen heiligen leichnam /
der von deyner mutter Maria kam /
vnd das heylige blut
hylff vns herr aus aller nott.

Der heylig leichnam yst fur vns gegeben /
zum todt / das wir dardurch leben.
Nicht grosser gutte kund er vns geschencken /
da bey wir sein soln gedencken.

Herr deyn lieb so groß dich zwungen hat /
das dein [18] blut an vns groß wunder that.
Vnd bezalt vnser schult /
das vns Got ist worden holt /

Got geb vns allen seyner gnaden segen /
das wir gehen auff seynen wegen.
In rechter lieb vnd bruderlicher trewe /
das vns die speys nicht gerewe.

Herr dein heylig geyst vns nymer las /
der vns geb zuhalten rechte maß.
Das dein arm Christenheytt /
leb ynn fryd vnd eynigkeyt.