Vertwischt


[109]

Vertwischt.[1]

Dô schla doch glei der Donnschtig[2] drei’ und s Gätter,[3]
Jetz hau’n i gmoint, i häb a môl en Schatz
Und kriag von Hairlisboura Annakätter
Beim Holderbusch hehlingeli[4] en Schmatz.

5
Schau’ spitz i s Moul, dô pfeift ma’ zmôl am Finger,

I laß se laus und guck so umanand,
Dô schreit der Bour: „was haunt iahr gauh’ [5] füar Dinger?“
Und balgat[6] mit em Steacka ussam Imastand.
    
[110] Sui rennt der Kuchi zua dur d Stangaluckat[7],

10
I aber gang zum Bour an Gatathür

Und sag: „Hau’ nu’ nô wilde Härla[8] guckat,
Sui blinzlat so, und i, i ka’ derfür.“

Ear sait: „Du lôhscht di nu’ mit deine Käunschta
Fei’ nimma maih bei Annakättra seah’.

15
Suscht wear i diar da Lauh’[9] mit meine Fäunschta

Füar deine Kura uff da Buckel gea’.“

  1. ↑ Ertappt.
  2. ↑ Donnerstag, abgeschwächter Fluch für Donner.
  3. ↑ Gitter, abgeschwächter Fluch für Wetter.
  4. ↑ Heimlich.
  5. ↑ Nachgerade.
  6. ↑ Droht.
  7. ↑ Zaunlücke.
  8. ↑ Einwärts gebogene und darum Blinzeln verursachende Wimpernhaare.
  9. ↑ Lohn.
Dieser Artikel wurde von Wikisource herausgegeben. Der Text ist unter Creative Commons Attribution-Share Alike 4.0 verfügbar, sofern nicht anders angegeben. Für die Mediendateien können zusätzliche Bedingungen gelten.