Bülent Ceylan
De Bülent Ceylan isch en gonz bekonnder Monnemer Bu, der wo saugudie Commedie mache dud. Auserdem sehder ned nur gut aus sondern isch ach en eschd subber Typ.
De Bülant
Wocher gebore worre isch (am 4. Januar 1976) war de Bülant en ganz en klenner (in Monnem). Faschd wie ä Beby, awwer donn doch ierchendwie annerschder. Sei Mudder hot sich grod erschrokke wie sen gseh hot nochm Uffdieweltbringe. Der hot zwar noch nit vun Oofang a so longe Hoor ghobt, owwer die woren gonz sche dungel. Un iwweral. Also om gonze Kärper. Den honnse donn erschdemol iwwerool rosiere misse, bisse erkonnt homm, wos der iwwerhaupt fier ä Gschleschd isch. Ersch donn homm die iwwerhaupt erschd gsehe, doß der en Zibbel hot. Wose des donn gwisst hom, homsen Bülant genonnd. De Vadder wollt zwar, dosser onnerschder häse dud, awwer d'Mudder hod sisch duirchgsedzd un hoddn donn so grufe wie en gonz begonnter türgischer Polidiger.
De Bülant isch auserdem en echd gescheide Typ. Der hot ä Abi un hod rischdisch studiert. Un zwar Bolodigwisseschafde un Pisch Psich Psischoloschie. Awwer weiler en ganz en schlaue isch, hodder domit gonz schnell uffgherd un hod sich dozu entschiede, uffd Bien zu geh. Un Scheiß zu moche. Des hodder bei VIVA gelernd do wocher ä Braktigum bei denne gmacht hod. De Bülant isch de ähnzischde Monnemer Bu der wo was aus sich gmochd hod un domit begannt geworre isch. Der dud nämlich mit seinem Scheiß ganz scheh viel Geld verdiene.
Zum Glick hodder och schnell uffghärd mitm Hardrockmusikmache. Der hod zwar in zwä Bänds gsunge hods awwer schnell widder uffgäwwe. Beschdimmd weilem die Nome vun denne Bänds nit gfolle hom. Wer nennden sisch ach schun Gist un Maine?
Gonz wischdisch: De Bülant isch selwer ach verheirot un hod ä klännie Dochder.
De Bülant dem sei Fomilie
De Vadder vum Bülent warn ganz än liewer. Häse duder Ahmet. Logisch, isch jo ach en Türk, der wo aus de Türkei gekumme isch um in Deitschland zu awweide. Des war neizehhunnerdachdefuchzisch. D'Mudder häsd Hilde un is ä eschdie Deitschie. Ierchendwonn honnse hold gheirot un Kinner gmacht. Gfickt, wennds nit wäschd was isch män. Mindeschdends vier mol, weilse nämlisch vier Kinner hon. De klä Bülant isch desholb de klännschd, weiler hold de jingschde vun denne Kinner isch.
De bleede isch jedzd hold, dasmer hold nit soviel iwwer die wäs. Desholb isch der Obschnidd hold ach so klä gworre.
Wie die Sau
De Bülant isch nid nur de beschdaussehendschde Monnemer. Der isch ach de ähnzische Monnemer der wo mehr als iwwerd Auguschdaaalaach driwwer weg begannt geworre isch un ach ganz sche viel Auszeichnunge gekrieschd hod. Wennds hold wisse willsch:
- De Bielefelder Gabbaredpreis 2001
- Badewirdeberschischer Kläkunschdpreis 2002
- Deitscher Commediepreis 2006 un 2011
- De Zivimediepreis 2010
- De Bloomaulorde
- Zwä goldene Schollblodde
- Badewirdeberschischer Verdienschdorde